Armat - national platform
Գրանցվել
1

....

2
Գրանցվեք, որպեսզի հնարավորություն ունենաք կատարելու գրառումներ և կիսելու ձեր կարծիքը
Ես ընդունում եմ Պայամններ ֊ ը
Թույլ տվեք իմանալ մի փոքր ավելի ձեր մասին
Կատարված է
Մուտք
Մուտք գործեք, որպեսզի հնարավորություն ունենաք կատարելու գրառումներ և կիսելու ձեր կարծիքը
Մուտք
Մոռացե՞լ եք գաղտնաբառը

կամ միացեք մեզ սոցիալական ցանցի միջոցով

Ուղարկել
Մուտք
Գրանցվել
ԻՏԱԼԱՑԻ ՓԱՅԼՈՒՆ ՔԱՂԱՔԱԿԱՆ ԳՈՐԾԻՉ ՄԱՏԵՈ ՍԱԼՎԻՆԻ. ՀԱՅԱՍՏԱՆ՝ ԵՎՐՈՊԱԿԱՆ ՔԱՂԱՔԱԿՐԹՈՒԹՅԱՆ ՖՈՐՊՈՍՏԸ ՄԵՐՁԱՎՈՐ ԱՐԵՒԵԼՔՈՒՄ

ԻՏԱԼԱՑԻ ՓԱՅԼՈՒՆ ՔԱՂԱՔԱԿԱՆ ԳՈՐԾԻՉ ՄԱՏԵՈ ՍԱԼՎԻՆԻ. ՀԱՅԱՍՏԱՆ՝ ԵՎՐՈՊԱԿԱՆ ՔԱՂԱՔԱԿՐԹՈՒԹՅԱՆ ՖՈՐՊՈՍՏԸ ՄԵՐՁԱՎՈՐ ԱՐԵՒԵԼՔՈՒՄ

Այն ժամանակ, երբ եվրոպական արժեքները, որի տակ հասկանում ենք հանդուրժողականություն և բազմամշակութայնություն, կործանում են հենց Եվրոպան՝ որպես հակահարված այս դանդաղեցված  ռումբի  հանդես են գալիս պահպանողական ուժերը՝ պրոպագանդելով եվրոպական քաղաքակրթության պահպանումը և դրա մշակութակրոնական  հիմքերը:

Նման նշանավոր քաղաքական գործիչներից մեկը Մատեո Սալվինին է՝ Իտալիայի նախկին վարչապետը և ներքին գործերի նախարարը, որը մեծ ժողովրդականություն է վայելում ընտրողների շրջանում:

Մատեո Սալվինիի լուսանկարը իտալուհիների կրծքին  

Հայ հասարակության շրջանում Սալվինին հայտնի է դարձել հայերի ցեղասպանության վերաբերյալ դիրքորոշման, Արցախի հարցի դիրքորոշման  և Թուրքիայի հետ հարաբերությունների շնորհիվ: 

Մասնավորապես, Իտալիայի Սենատում Թուրքիայի կողմից մարդու իրավունքների խախտման քննարկման ժամանակ Սալվինին չմոռացավ հիշեցնել, որ «այդ վարչակազմը (Էրդողանի) ժխտում է ոչ միայն կանանց իրավունքները, այլև ցանկացած ազատություն և նույնիսկ հերքում է պատմական ճշմարտությունը»: Հետո Սալվինին որպես օրինակ որոշեց նշել Թուրքիայի ոճրագործությունը հայերի դեմ,  -«Չմոռանանք, որ հայերի նկատմամբ արդարությունը դեռ չի հաղթել, Հայոց ցեղասպանությունը դեռ չի ճանաչվել: Եվ քանի դեռ դա այդպես է, ես չեմ կարծում, որ մենք կարող ենք նույն սեղանի շուրջ նստել մեկի հետ, ով բանտարկում է նրանց, ովքեր համարձակվում են նշել պատմական ճշմարտությունը»:

Արցախյան պատերազմի կիզակետին Մատեոն հայ ժողովրդի կողքին էր, մասնակցում էր Հռոմի հայ համայնքի ցույցերին: Իր ֆեյսբուքյան էջում նա կատարել է հետևյալ գրառումը,-«Մենք չպետք է մոռանանք այն տանջանքներն ու ավերածությունները, որոնք այսօր բաժին են հասել մեր մտերին ազգին, և որոնց մասին շատ քիչ է խոսվում: Այսօր Հռոմում ես իմ և իմ ամբողջ կուսակցության անունից աջակցություն եմ հայտնում հայերի գոյության և խաղաղության իրավունքին: Հայերն առաջինը զգացին ցեղասպանության սարսափը, և այժմ նրանք հետապնդվում են Լեռնային Ղարաբաղում»: Չի կարող հարգանք չառաջացնել նաև այն, թե ինչպիսի սթափությամբ է Սալվինին  գնահատում 21-րդ դարում եվրոպական քաղաքակրթությանը սպառնացող սպառնալիքները. Եվրոպացի քաղաքական գործիչներից քչերն են հասկանում տարածաշրջանում Հայաստանի կարևորությունը քաղաքակրթական և կրոնական տեսանկյունից: Խոսելով Արցախի հայության դեմ մղվող պատերազմից, նա ավելացնում է,- «Եթե Եվրոմիությունն ունի իմաստ, ուրեմն պաշտպենենք մեր եղբայրներին և Մերձավոր Արևելքի ու Կովկասի եվրոպական քաղաքակրթության ֆորպոստին»:

Միևնույն ժամանակ Սալվինին հայտնի դարձավ միգրանտների նկատմամբ իր սկզբունքային դիրքորոշմամբ: Այս հարցում նա հիշեցնում է իր հայրենակցուհի Օրիանա Ֆալաչչիին,-«Մենք ագրեսիայի զոհ ենք: Մեր մշակույթը, մեր հասարակությունը, մեր ավանդույթները և մեր ապրելակերպը վտանգի տակ են: Մաշկի գույնը սրա հետ ոչ մի կապ չունի, բայց ռիսկը իրական է: Բազմաթիվ դարերի պատմությունը ոչնչացման վտանգի տակ է, եթե գերակշռի իսլամացումը, որը խիստ թերագնահատված է»:

Տրամաբանական է, որ Թուրքիայի՝ աջ պահպանողական քաղաքական գործչի հանդեպ, որը «մատակարարում» է ԵՄ-ն միգրանտներով և վարում է իսլամիզացիայի քաղաքականություն, չի լինի ուրիշ վերաբերմունք, բացի բացասականից: Իր դիրքորոշումը հնչեցնելիս՝ Սալվինին չի ընտրում արտահայտություններ և չի ձգտում քաղաքական կոռեկտության, որը տարածված է Եվրոպայում: Որպես փոխվարչապետ ՝ նա հստակ հայտարարել է, որ չի ցանկանում Թուրքիան տեսնել Եվրոպայում, որ այն Եվրոպա չէ և չի լինի: Անդամակցության գործընթացը պետք է դադարեցվի:

«Թուրքական ռեժիմը չի փոխել իր մոտեցումները՝ շարունակելով ոչնչացնել ազգային փոքրամասնությունները, որոնք ապրում են իր տարածքում, սկզբից քրիստոնյաները, հետո հայերը, իսկ հետո քրդերը: Եվ դեռ մեզ են համարում վտանգավոր և դաժան:»

Մատեո Սալվիինի:

Եվրոպական այնպիսի սկզբունքային դիրքորոշում ունեցող քաղաքական գործիչների առկայությունը, ինչպիսին Մատեո Սալվինին է, շատ արժեքավոր է հայ ժողովրդի համար: Հայկական պետությունը ​​և սփյուռքի կառույցները պետք է պատշաճ կերպով գնահատեն այդպիսի քաղաքական գործիչների դերը և փնտրեն փոխշահավետ համագործակցության և աջակցության ուղիներ:

Մեկնաբանություններ

Ի՞նչ կարդալ հետո